290                                                   REGISTRES DU BUREAU                                               [iB5a]
CCCIV [CCLIII]. — Pour les lv" m livres tournois.
20 février 1552. (Fol. 268 v°.)
Du samedi, xx'°cjour de Fevrier mil v° u.
En assemblée le jour d'uy faicte, en l'Ostel de Ia Ville de Paris, de mess™ les Prevost des Marchans. Eschevins et Conseillers de lad. Ville, pour adviser sur les moyens à constitucion de renie au denier douze de la somme de ix" m livres tournois pour les cinquante mil hommes demandez par le Roy ès villes closes de son Royaulme, dont les villes de la Prevosté et Viconte de Paris sont cottizées à lad. somme de ix" m livres tournois, selon le departement faict d'icelles par le Prevost de Paris; en laquelle se sonl trouvez, c'est assavoir :
Mons' me Claude Guyot, Prevost des Marchans;
Mess" Lejay, Luillier, Lormier, Desprez, Esche­vins ;
Mess" de Bragelongne, Lieutenant particullier, le bailly Courtin, de Livres, de Jumeauville, T. de Bra­gelongne, Lecointe, Conseillers de lad. Ville.
Après ce que mond. sr le Prevost des Marchans a faict plusieurs ouvertures des moyens plus doulx et facilles à lever lad. somme au denier douze, sur l'ayde de u solz vi deniers tournois pour muy de vin entrant et autant yssant hors Paris, et récite la forme qui a autresfoys esté tenu en semblable cas, a sur ce mys la matiere en deliberacion et demandé l'avis ausd, assistans.
Tous lesquelz ont conclud, advisé et deliberé
que, pour plus commodement et justement lever lad. somme, mess™ les Quarteniers doibvent apporter au Bureau de lad. Ville leurs rolles, comme il leur a esté ordonné, et admener avec eulx leurs cinquante­niers, dixiniers et quatre notables personnes de leursdictz quartiers de tous estatz, aus jours qui leur seront assignez, chascun l'ung après l'autre. Et ce­pendant, mess™ yront prier mess" de la Court, des Comptes et des Generaulx de la justice, de déléguer, assavoir: deux de lad. Court, deux desd. Comptes, et ung desd. Generaulx, pour assister au Bureau de lad. Ville, avec mesd. s™ les Prevost des Marchans et Eschevins, ung ou deux Conseillers de Ville, telz que mesd. s" vouldront eslire, lesd. Quarteniers, cinquanteniers, dixiniers et bourgeois, pour proce­der à la coctization des personnes dénommées èsd. rolles desd. Quarteniers, oyr les personnes, si be­soing est, et les taxer selon leurs qualitez et puis­sances. Et où il se trouvera aud. rolle aucuns de mesd. s™ de la Court, des Comptes ou desd. Generaulx, seront baillez par escript ausd, depputtez desd, cours, pour les advertir et savoir d'eulx quelles sommes ilz veullent mectre en rente liberallement, et leur responce oyr; et [ou cas] qu'ilz ne veullent riens bailler, seront cottizez par lesd, depputtez comme les autres, afin que tous les autres estatz ne se puissent excuser.
CCC V [CCLIV]. — [Visite du Prévôt des Marchands aux Cours souveraines.]
26 février 155s. (Fol. 269.)
Du vendredi, xxvimo jour de Fevrier mil vc li.
Aujourd'uy, mons1 m6 Claude Guyot, Prevost des Marchans, et monsr m0 Guy Lormyer, Eschevin de la ville de Paris, sont allez par devers mess™ de la court de Parlement '*', la Chambre des Comptes et des Generaulx de la justice, leur faire entendre
la deliberation du Conseil de lad. Ville cy dessus escripte. Toutes lesquelles Cours leur ont fait res­ponce qu'ilz y adviseront presentement, lequel avis ilz feront savoir incontinant à mesd. s™ les Prevost des Marchans et Eschevins, pour estre preslz à y besongner jeudi prochain.
W L'extrait suivant du registre du Conseil du Parlement, où se trouve relatée cette démarche du Prévôt des Marchands et de l'Echevin Lormier, nous révèle les graves difficultés que rencontrait le Bureau de la Ville pour faire accepter l'emprunt forcé : k Par ledict Prevost des Marchans a esté dict qu'ilz avoient essayé tous moyens pour recouvrer deniers à constitucion de rentes, suivant les dernieres lettres patentes du Roy, mais trouvoyent que bien peu de personnes y portoient leurs deniers volontairement A ceste cause sont contrainctz d'user, à leur grant regret, de contrainctes. Et, parce qu'ilz ne veullent riens faire sans l'advis de la Court, supplie icelle qu'il luy plaise députer et commectre quelque nombre de Conseillers pour eulx transporter en l'Hostel de Ville et se trouver en l'assemblée qui sur ce sera faicte. Lesd. Prevost des Marchans et Lormier, Eschevin, retirez, la matiere mise en deliberation, lad. Court a deputé m' Loys Gayant et Robert Bouete, Conseillers en icelle, pour se trouver en lad. assemblée de Ville.!. (Archives nat., X1" 1571, fol. 345.)